Միասնականությունը միշտ էլ հաղթում է

AEGEE-Եվրոպայի Ավագանին Facebook սոցիալական ցանցում հարցում էր կազմակերպել, որով փորձում էր ճշտել AEGEE-Եվրոպայի the coolest (ճիշտն ասած սրա հայերեն նորմալ տարբերակը չգտա 🙂 ) անտենան: Քվեարկությունը տևեց մի քանի օր: Այդ ընթացքում AEGEE-Երևանը տարբեր տեղերում էր զբաղեցնում և ձայների քանակն էլ այդքան շատ չէր: Դեռ սկզբից հարցումը գլխավորում էր AEGEE-Էնշխեդեն: 2012 թվականի Գարնանային Ագորան կայանալու է հենց Էնշխեդեում, այդ պատճառով էլ այն առաջատար էր, քանի որ այդպիսի միջոցառում կազմակերպելը անտենային մեծ ճանաչում է բերում ամբողջ AEGEE ցանցով մեկ: Այսօր քվեարկության վերջին օրն էր և այն փակվում էր Կենտրոնական Եվրոպայի ժամանակով երեկոյան ժամը 4-ին` Երևանի ժամանակով երեկոյան ժամը 7-ին: 18:00-ից հետո, երբ տեսա, թե մենք քանի ձայնով ենք հետ մնում առաջարից, սկսեցի AEGEE-Երևանի մի մասին “ոտքի հանել”: